Jul 19, 2015

කළු සහ සුදු

ඔන්න සිතුවිල්ල ආපහු කාලෙකට පස්සෙ ආව. සිතුවිල්ලට සමා වෙන්න ටිකක් කල් සිතුවිලි ලියන්න බැරි වුනාට. සිතුවිල්ල සතුටින් සමාදානයෙන් මේ දවස් වල ජීවත් වෙනව. පහු ගිය දවසක බුකියෙ සිතුවිල්ලගෙ යාළුවෙක් ෂෙයා කරල තිබුනු පින්තූරයක් දැකල තමයි සිතුවිල්ලට මේ සිතුවිල්ල ආවෙ. ඉස්සෙල්ලම මේක බලල ඉන්නකො.


මේ කතාව ඇත්තක්ද? සුදු අය විතරද ලස්සන. සුදු අය ගැන මේ මතය ඇති වෙන්නෙ ආසියාව වගේ රටවල් සුදු ජාතිකයන් යටතෙ පාලනය වෙද්දි ඇතිවුනු යටත් විජිත මානසිකත්වයත් එක්ක. සුදු නෝනල සුදු මහත්තුරුන්ට ගරු කරන්න පටන් ගත්ත වගේම ඒ අය වර්ණනා කරන්නත් ඒ කාලෙ මිනිස්සු පුරුදු වුනා. මේ අතරෙ හම සුදු පාට අයටත් ගම් දනවු වල වැඩි සැලකිලි ලැබුනා. මේ දේ කාලයත් එක්ක සුදු අය ලස්සකයි කියල මතයක් හැදුන.

ඒත් මේ ලස්සන වෙන්න නම් සුදු වෙන්න ඕනෙ කියන කතාව සමාජෙට පොම්ප කරන්නෙ රූපලාවන්‍ය ව්‍යාපාර වලින්. ලෝකෙ දිනන්න නම් සුදු වෙන්න වගේ අදහස් සමාජෙට ඇතුල් කරනව. ඒ අය ආසියාවෙ මිනිස්සුන්ගේ ස්වභාවික පාට තමන්ගෙ බිස්නස් එක කරගෙන ජීවත් වෙන්න පටන් අරන් තියෙනව. මේ අයගෙ දේවල් නිතරම ඇහෙන දකිනකොට අපේ හිතෙත් ඒක ඇත්තක්ද කියල හිතෙන්න ගන්නව. ලස්සන කියන දේට සුදු කළු බේධයක් නෑ.

ඒත් හිතල බලන්න සුදු හමක් තියෙන අයගෙන් කීයෙන් කීදෙනෙක්ගෙ හිත ඇතුල කොච්චර දුරට කළුයිද කියල. ඒ වගේම සුදු හමක් නොතිබුනත් හදවත ලස්සන අය මේ ලෝකෙ කොයි තරම් නම් ඉන්නවද කියල. ඒ හදවතේ ලස්සන අපිට ඒ අයගෙ මූනෙන් පේනව. කථාවෙන් දැනෙන්ව. මේක දාල තිබුණු කෙනත් මට තේරෙන විදියට නම් සුදු පාට ලස්සන හදවත හංගන් තලෙලු පාට ලස්සන හමකින් වහත් ඉන්න කෙනෙක්.
සිතුවිල්ල අදට ගිහින් එන්නම්. ළඟදිම ආපහු මුණගැහෙමු.

0 ක් ප්‍රතිවාර එවල, ඔයත් එකක් දාන්න.:

ඔබේ අදහසත් එකතු කරලම යන්න..

ගල් මුල් මල් ඕනෙ දෙයක් දාන්න.
ඔයාලගෙ අදහස් මට ගොඩක් වැදගත්...
(හැබැයි හොඳ වචන විතරක් පාවිච්චි කරන්න.)
Anonymous නම් වෙන්න එපා, අඩුම තරමෙ නමවත් දාන්න...

comments

යොමු

සින්ඩි ලංකා
සිංහල බ්ලොග් කියවනය
සින්ඩිය
සින්ඩිය

^ උඩටම යන්න